Psa 48 | TBG | STEP | Noravano Kotiva vaivaro vira autuvano nai nora autu vairara ti, kaiqenavu vira vatukaqi vira takuqi aiqinaraqaa oru vaiha, vira autu tuahera kaare.

Psalms 48

Koraara naintivaraqihairo vovano maa ihira qara ntuvatora

1 Noravano Kotiva vaivaro vira autuvano nai nora autu vairara ti, kaiqenavu vira vatukaqi vira takuqi aiqinaraqaa oru vaiha, vira autu tuahera kaare.

2 Kotira aiqinavano vaireva, viva koqe aiqina veraraqaa vaira. Ekaa naato vatanaaka vi aiqinarara quaheha variara.

Saioni Aiqinavano vaivaro tinavu Avuhainaava Noravano virara ti vatukave tivakeharo, mini variqiro vi vaira.

3 Kotiva vi vatukaraqi vaiharo koqema kero viraqaa raqikiharo viraqi varia vaiinti nahentika antua nimite vaira.

4 Avuhainaa vaiinti vonavu ruvaaqumavi vi vatukara aatara karare ti, 5 uru vi vatukara tave, vika voqamake aatu itaimanta qaqirake ururante kantama vuara.

6 Vika vi vatukara tavaavaro aiqu kauqu ntiri ntiri i vaimanta, nahentivano vainti vatareva iharo antura ntintemake, vika qeteha oi aai ti variara.

7 Aaronavano utiharo Taasisihainaavotunavu qoraiqama kaintema kera, are vi entara vika vehi autu taiqa kaanara.

8 Tota tenavu Kotira vatuka kia tavaraiti, aatoqihai irunarave. Ho vate tenavu tentanavu tivuqohai tavauro.

Noravano Kotiva ekaa kempuka vataava i vatukara, vi vatukaraqaa Kotiva ekaa enta koqema kero maimaraara raqikiqiro vuanaro.

9 Mpo Kotio, tenavu ai Naavuqi vaiha are tinavu kia qaqira kaararo ai muntukavano tinavuara vaira, virara tenavu aatoqi iriqi viha vauro.

10 Ekaa vo vatanaa vo vatanaaka ai autu tuaheraqi vi variarave.

Are vaiinti nahentiqaa avuqavuqama kehara raqiki varianarara ti, ekaa naato vatanaaka ai nora autuara ho iriarave.

11 Are mintimakera raqiki varianarara ti, ekaa vaiinti nahenti Saioni Aiqinaqaa variakave, ekaa Iutaini variakave, vika vika muntukaqihai quaheha variara.

12 Kaiqenavu Saioni vatukaqi niha vaantaavuraqaa votauaa votauaa kaara ntuvake tavaare.

13 Tenavu Saioni kempuka vaantaavuravata tuantike tavamaqi viha, vaantaavuraqi kempuka naavu, vo naavu vo naavu kaqataaravata tavaare.

Tenavu vi haikara vi haikara tavamake, tentanavu vaintivarave naintivarave maantimake tiva nimirera:

14 Kotiva tinavu Variqavano tinavuqaa koqema kero ekaa enta ekaa enta raqikiqiro vuanarove.

Viva ekaa enta koqe aara tinavu humiqe vairaqe tenavu koqe aaraqaa vuare.